COLOWÇULUK ADEB CORUKLADAN
--
Tübegeniñe,katı bla ,tuwrası bla ozğanıña tıyınşlısıça salam
ber,salam bergenni salamın al. Salamlaşmay söleşib başlarğa tıyınşlı tüldü.
--Üyden,elden birge
çıkğan cöñeriñden ayırılırğa kerek tüldü,coluğuz birge ese.
--Colda,colowçulukda
halisin bilmegen,igi tanımağan suwuña kirirge,cuwunurğa
kerek tüldü,artıksız da
nögersiz bolsañ.Suwğa tükurürge,kir zatnı atarğa bolmaydı.Burunñula
atlarına,mallarına da suwnu alıb,bir canında içirgendile,suwnu tüb canında el
caşay ese.
--Cayaw eseñ,el
içinde asırı ullula,cayralıb atlama,erişi körünedi; kollarıñı arı-beri asırı
ullula silkgen da caraşmaydı,adet tüldü,bilekle sanlağa kısılırak
tururğa,çınadan enişgesi kımıldarğa kerekli.Erkişi,tişirıw da sanların,tebserge
tebregença,tüz,ariw tutarğa kerekdile.Bir wyalır adamıñ üsüñe karab
turğança,colda kesiñi alay ariw cürüt.
--Caş-kesinden tamada erkişini,tişirıw-erkişini,colowçu bolmağan-colowçu
bolub barğannı colun kesib,allı bla ozarğa bolmaydı-ayıbdı,col koyub,ozarğa
tıyınşlı ozğunçu,ne aşığıb barğan da tohtarğa kerekdi.
--Kolunda kuru
çelegi bolğan ozub barğannı colun keserge caramaydı,ol adet tüldü.
--Kolunda awur cüğü
bla neda sabiy bla barğan tişirıwnu eslese,erkişi anı cüğün, kelirge unasa wa,
sabiyin alıb,barır cerine deri cetdirib,kesini coluna alay keterge duruslu.
--Ozub barğan erkişi
tişirıwnu,kartnı neda sabiyni otun cara neda bir awur işni ete turğanın eslese,
kaytıb aña boluşurğa borçdu,coluna andan sora keterge kerekdi.Eslemegença etib
ketgen adebsizlikdi.
--Transportda kızla
sıñar keslerinden tamada tişirıwğa neda koynunda sabiyi bolğan tişirıwğa orun koyadıla.Erkişige
(çırtda cukdan tutub da ayak üsünde turalmağan oñsuz kart bla awa turğan
awruğandan özgege)orun koyarğa kerek tüldüle.Transportda orun koyuw borç
erkişilededi,tab atası,kayın atası ese da.
--Uzakğa barğan
avtobuslada,poyezdlede,samolötda bolmasa, transportda cuklay , cukusuray barğa
ayıbdı.